1. ANNEKENE, ÕNNEKENE

Tule mulle

Otepää

ote_23_EYS_V_139_(14)_2r

Peijo kahitsemine ja pruudi vastus
 
ANNEKENE, joo-eda, ÕNNEKENE, joo-eda,
ui-lui-lee, õnnekene, joo,
oles sa mullu, joo-eda, mulle tulnu, joo-eda,
ui-lui-lee, mulle tulnu, joo,
toona mulle, joo-eda, tõotanu, joo-eda,
ui-lui-lee, mulle tulnu, joo,
ma oles so padjole, joo-eda, pannu, joo-eda,
ui-lui-lee, pannu, joo,
siidisängi, joo-eda, hengämaije, joo-eda,
ui-lui-lee, hengämaije, joo.
 
Ei lää, ei lää, joo-eda, peijokene, joo-eda,
ui-lui-lee, peijokene, joo,
sul om lätte, joo-eda, läve alla, joo-eda,
ui-lui-lee, läve alla, joo,
kajo kambere, joo-eda, nukkana, joo-eda,
ui-lui-lee, nukkana, joo,
sääl ma kasta, joo-eda, karda-känga, joo-eda,
ui-lui-lee, karda-känga, joo,
riku Rija, joo-eda, põlleda, joo-eda,
ui-lui-lee, põlleda, joo,
pooda poodi, joo-eda, undrukuda, joo-eda,
ui-lui-lee, undrukuda, joo.
 
Kae tõista, joo-eda, noorekeista, joo-eda,
ui-lui-lee, noorekeista, joo,
sis võit kukkeni, joo-eda, kõnelda, joo-eda,
ui-lui-lee, kõnelda, joo,
valgeheeni, joo-eda, vallatada, joo-eda,
ui-lui-lee, vallatada, joo,
kui lääb sängi, joo-eda, sis loat mängo, joo-eda,
ui-lui-lee, sis loat mängo, joo,
lina liikva, joo-eda, padja paukva, joo-eda,
ui-lui-lee, padja paukva, joo,
õle kotina, joo-eda, kohava, joo-eda,
ui-lui-lee, kohava, joo.
 
Viis: perenaine Üts (45 a) (EÜS V 139 (14) < Otepää khk, Neeruti v – A. Kiiss, 1908), teksti kirjutas üles Peter Anton (koolmeister) (EKS 8° 3, 99/100 (7) < Otepää kirikuvald, 1874).

Tagged with:
Posted in Nuurus