11. OH MINA VAENE MEHEKENÕ (Ote)

Hobune varastatud

Otepää

2r_v7_EYS_V_151_(70)

Hobuse otsimine
 
OH MINA VAENE MEHEKENÕ,
põlvõ koru (kõrgu(ne)) poisikõnõ,
vaat-vaa-li, vat-vat-vaali,
põlvõ koru (kõrgu(ne)) poisikõnõ.
 
Aeti minnu, vaene, teole –
kivistikku kiskuma,
vaat-vaa-li, vat-vat-vaali,
kivistikku kiskuma.
 
kivistikku kiskuma ja
kannustikku kakuma,
vaat-vaa-li, vat-vat-vaali,
kannustikku kakuma.
 
Ööse pessi mõisa rehe,
päivä kündse mõisa maa,
vaat-vaa-li, vat-vat-vaali,
päivä kündse mõisa maa.
 
Lassi ma hobõsõ vallalõ,
isi istsin puhkama,
vaat-vaa-li, vat-vat-vaali,
isi istsin puhkama:
 
pää ma panni perve pääle,
jala perve veere pääle,
vaat-vaa-li, vat-vat-vaali,
jala perve veere pääle.
 
Ära katte mu hobune,
tillukene teoruuna,
vaat-vaa-li, vat-vat-vaali,
tillukene teoruuna:
 
jäle lätsi järve poole,
tii-rada ranna poole,
vaat-vaa-li, vat-vat-vaali,
tii-rada ranna poole.
 
Saatse orja otsimaje,
vele virka nõudemaie,
vaat-vaa-li, vat-vat-vaali,
vele virka nõudemaie:
 
„Mine, ori, too hobune,
vele virka, nõvva ratsu,
vaat-vaa-li, vat-vat-vaali,
vele virka, nõvva ratsu!”
 
Iis (ei toonud) tuu ori obusta,
vele virka nõvva_as ratsu,
vaat-vaa-li, vat-vat-vaali,
vele virka nõvva_as ratsu.
 
Lätsi esi, tillukene,
tillukene, terävakene,
vaat-vaa-li, vat-vat-vaali,
tillukene, terävakene,
 
ullukene, usinakene,
noorekene nobetakene,
vaat-vaa-li, vat-vat-vaali,
noorekene nobetakene.
 
Võti päitse ütenna,
lätsi korgele mäele,
vaat-vaa-li, vat-vat-vaali,
lätsi korgele mäele,
 
tilisti ma, vilisti ma,
tilisti ma päitseida,
vaat-vaa-li, vat-vat-vaali,
tilisti ma päitseida.
 
Tulli obu hirnaten,
kõrvi ruuna kõigaten,
vaat-vaa-li, vat-vat-vaali,
kõrvi ruuna kõigaten.
 
„Kon sa olit, mu obune?
Seit sa Seeli rüanna,
vaat-vaa-li, vat-vat-vaali,
seit sa Seeli rüanna,
 
vilassit Viru nisuna,
tandset Tailna taterikun,
vaat-vaa-li, vat-vat-vaali,
tandset Tailna taterikun?
 
Obu vasta irnaten,
kõrvi vasta kõigaten,
vaat-vaa-li, vat-vat-vaali,
kõrvi vasta kõigaten:
 
„Süü es Seeli rüänna,
tandsi_es Tailna taterikun,
vaat-vaa-li, vat-vat-vaali,
tandsi_es Tailna taterikun –
 
ma oli kulda koppelin,
tina-tiigi veere pääl,
vaat-vaa-li, vat-vat-vaali,
tina-tiigi veere pääl!”
 
Viis: Adele Uibo (17) (EÜS V 151 (70) < Vastse-Otepää khk – A. Kiiss, 1908), tekst: Ann Kütt (H III 22, 67 (11) < Otepää khk, Palupera – Joosep Silde, 1895).

Sildid
Postitatud Ilujutulidse laulu