11. LIIRI-LÕÕRI, LÕIVUKENE (Võn)

Liiri-lõõri

Võnnu

x

LIIRI-LÕÕRI, LÕIVUKENE,
piiri-pääri pääsukene,
kos su kulla pesakene?
Tare takan tamme otsan.
Kos see tamm jäije?
Vanamees ragus ära.
Kos see vanamees jäije?
Ära tema kooli.
Kohe tema mateti?
Pika põllu pendre alla.
Mis sinna pääle kasvi?
Penipütsik, piibaleht.
Kos see penipütsik, piibaleht jäije?
Vikat maha leije.
Kos see vikat jäije?
Kivi lei poolest.
Kos see kivi jäije?
Kivi lätse merde.
Kos see meri jäije?
Mustik ära jõije.
Kos see mustik lätse?
Mustik lätse lauta.
Kos see laut jäije?
Laut palas ära.
Kos see lauda ase jäije?
Kana rehits ära.
Kos see kana jäije?
Kana läts taivale.
Kuda sinna perra saap?
Tulitside tungeldega,
vasitside vangerdega.

H II 56, 579/80 (19) < Võnnu – H. Mikkel (1895).

Sildid
Postitatud Laulu eläjist ja tsirkõst