3. SIIJÄ KÜLÄ KÜKÄTÄNÜ (San)

Korratu küla

Sangaste

4_EYS_V_157_(99)_1r

SIIJÄ KÜLÄ KÜKÄTÄNÜ,
siijä talu tak´astedu,
siin uone urtsa-artsa,
tsia-paha’ tsilge-tsälge,
mulgu muaga topitu,
saina’ saviga paigatu.

Siin suiguri sulase’,
norutaja’ noore-mehe’!

Neli neitsit teil tarena,
kolm om noorta noorikut –
muru luuda nurisi,
ahu algu alali,
nii om neide luitsa anna’,
kui nee’ til´l´u tiis´u anna’,
nii om neide kopa anna’,
kui nee’ karja-koera anna’,
nii om neide livva veere’,
kui nee’ ruuna ruhe veere’.

Tulge meile kaemaia,
meil külä’ kui keriko’,
meil aija’ kui aleve’,
kullaristi’ kua pääl,
õperisti’ riida pääl,
vas´kiristi’ värte pääl!
Meil karratse’ katuse’,
aetugi aija-vitsa’.

Viis: Liisa Jõgi (umb 50a) (EÜS V 157 (99) < Otepää khk, Vidrike v< pärit Sangaste khk – A. Kiiss, 1908), tekst: Liis Kurg, 60 a (H II 5, 495/6 (147) < Sangaste khk – Joosep Hurt, 1877).

Sildid
Postitatud Külä ja sulase