Hobune varastatud
Võnnu
x
VEI MINA HOBU OITUVALLE,
esi heitsi makama,
pää panni perve pääle,
jala järve veere pääle,
kõrva kõivu juure pääle.
Kuri mees tull kuusikust,
varas mees tull varikust,
varast minu hüva hobu,
paremba kui paadi ruuna,
ilusamba kui hiiru hobu.
Lätsi kodu nutaten.
Kes tull vasta tanumin?
Taat tull vasta tanumin:
„Ära nuta, pojakene,
mina lää hommen liina,
tuu sulle hüva hobu,
paremba kui paadi ruuna,
kõvemba kui kõrvi ruuna,
ilusamba kui hiiru hobu!”
H II 56, 583/4 (24) < Võnnu khk., Mäksa v. – H. Mikkel (1895).