Tuulest tuba
Võnnu
SÕUDKEM, KÄE, SÕUDKEM, JALA,
sõudkem sinnä saarõ pääle,
kohe san’t oll’ sanna tennü,
vaene mees oll’ varjo lännü.
Sinnä küll käivä siidilaiva,
Soodomast käivä soolalaiva,
Kommorast käivä kaubalaiva.
Sadu oll’i saina sammeldanu,
(udu) undse oll’ urrõ ette tennü,
ago olli pannu aluspal’gi.
vesi olli palk’i veeretänü.
(saia teivä aitsaitsaa)
Sisse joosi siidilaiva,
välla joosi väädselaiva
manu joosi maanulaiva.
Tulge sisse, ostke kaupa –
mehe, ostke meeste kaupa,
naese, ostke naeste kaupa,
poisi püksi pööriket!
Viis: Juuli Otmann (54 a) (ERA III 6, 184 (6) < Võnnu khk, Kastre-Võnnu v, vstm – K. Leichter, 1931), tekst: Juhan Luik (80 a) (ERA II 116, 663 (5) < Võnnu khk, Kastre-Võnnu v, Võnnu k, vndk – J. Moodis, 1936), täiendatud (E 58664 < Võnnu khk, Meerapalu – A. Kelt < Els Kikas).