Liiri-lõõri
Otepää
x
LIIRI-LÕÕRI, LÕOKENE,
kos su kulla-pesakene?
Kua takan kuuse otsan.
Kos too kuus jäie?
Vanamees maha ragus.
Kos vanamees jäie?
Vanamees suri ära.
Kohe tima mateti?
Pika põllu pindra pääle.
Mis sinna pääle kasvi?
Penipiitsk ja piibeleht.
Kos piibeleht penipiitsk jäie?
Vikat maha lõi.
Kos vikat jäi?
Vanamehe laudan raja otsan.
Kos laut jäie?
Laut põles ära.
Kos tuhk jäie?
Tuul viis mõtsa.
Leeni Villemson (E 59408/9 < Otepää – A.Vahkal, 1927).