Liiri-lõõri
Rõngu
TSIIRI-TSIIRI TSIRGUKE,
liiri-lõõri lõoke,
piiri pääri pääsuke,
koes su kulla pesäke?
Tare taka tamme otsan,
kua taka kuuse otsan.
Koes tuu tamm jäi?
Vanamiis ragusi maha.
Koes tuu vanamiis jäi?
Vanamiis kooli ärä.
Koes temä matteti?
Pikka põllu pendre alla.
Koes tuu penär jäi?
Härg kündse ülles.
Koes tu härg jäi?
Härg läits roogu.
Koes tuu roog jäi?
Vikat niitse maha.
Koes tuu vikat jäi?
Kivi lei katski.
Koes tu kivi jäi?
Kivi veerdi merde.
Koes tu meri jäi?
Kana jõi ärä.
Koes tuu kana jäi?
Kull sei ärä.
Koes tuu kull jäi?
Lennäs maailma otsa.
Kuis sinnä perä saa?
Tilduga, tõlduga,
vasitside vangerdega,
tulitside tungeltega,
tinatside telledega.
Laulmise järgi üles kirjutanud P. Kurg (EÜS II 20 (67) ja EÜS II 85/6 (67) < Rõngu khk, Aakre v, Pühaste k, 1905).