Karula
Immemaa. Karja koduajamisõ laul
KUULÕQ KULLA, leeli,
koduimä, leeli,
manitsõgõq, majaima.
Kas ma karja kodu aja,
vai ma kirja kodu keerä,
kas ommaq valmiq vas´kajoogiq,
havvutõduq lehmähainaq?
Ku ei olõq valmiq vas´kajoogiq,
havvutõduq lehmähainaq,
ma aja karja kavvõdalõ,
keerä kirja muial maalõ,
ligi liina lepistikku,
taga Tartu tanumida,
kon ei kuulõq kurõ hellü,
tõsõ tarõ tõlva hellü,
kon kurõq kulda sööväq,
kurõq kulda, kanaq karda,
haniq hall´ast hõbõhõt.
Viis ja tekst: EÜS VII, 879 (28) & EÜS VII, 1310/2 (103< Karula khk, Vana-Antsla v, Peetsi t – M. Pehka, R. Tamm < Els Koemets, 46 a (1910).