Vahtsõliina
Teie tsirgukõist
*
Üts lats oll’ kesken herr, üte käe puul olli’ latsõ’ ja tõsõl puul kah rinnan. Herr hoitsõ mängjil käe alt kinni’ ja läts’ terve rinnaga ütsiku manu, kiä kavvõmban saisõ’ ja lauli’:
“MINA OLÕ RIKAS HERR,
kõik ossa’ tsirka täüs.”
Kolm kõrd tull’ herr mängijide vai tsirkõga ütsiku manu ja lätsi’ tagasi. Kolm kõrd laulti: “Mina olõ rikas herr, kõik ossa’ tsirka täüs.” Viimätse (kolmanda) kõrra aigu, siis astõ ütsik vasta ja laul’:
“Lää esi’, võta esi’
kõgõ paremba ossakõsõ!”
Võtt’ rinna ütest otsast üte mängjä ja tõsõ käega tõsõst otsast tõsõ ja läts’ är’. Rind nakas’ jäl’ edasi-tagasi käümä ja laulma:
“Mina olõ rikas herr,
kõik ossa’ tsirka täüs.”
Nika mängitäs, ku ütsik korjas kõik mängjä’ är’ ja jääs üts perrä. Sis saa tuu inneskine ütsik herräs ja nakas rinnaga laulma: “Mina olõ rikas…” ja kiä jäi ütsikus, tuu nakas jäl’ osakõisi võtma.
Tekst: ERA II 126, 439/40 (23) < Vastseliina khk, Misso v, Pupli t – A. Raadla < Heleene Tirruli (sünd 1865) (1936).