Karula
Mõrsja koolõtaminõ
*
OLDARI MARI, VILDARI KÄVE,
joba tulõ peig.
Oldari Mari, vildari käve,
joba tulõ peig.
Aja’ tal amõt,
aja’ tal prontsi,
Oldari Mari, vildari käve,
panõ’ täl põllõ,
aja’ täl jakki,
panõ’ täl kampsi,
aja’ täl suka’,
panõ’ täl kängä’,
panõ täl rätti.
Mõrsjal om suurrätt pään, kumarusi kesken:
Koolõ’, koolõ’, mõrsija,
koolõ’, kurba mõrsija,
joba su sõsarõ koolu’.
Koolõ’, koolõ’ mõrsija,
koolõ’, kurba mõrsija,
joba su velle koolu’.
Koolõ’, koolõ’, mõrsija,
koolõ’, kurba mõrsija,
joba su esä koolu’.
Koolõ’, koolõ’, mõrsija,
koolõ’, kurba mõrsija,
joba su emä koolu’.
Koolõ’, koolõ’, mõrsija,
koolõ’, kurba mõrsija,
joba su lellä koolu’.
Koolõ’, koolõ’, mõrsija,
koolõ’, kurba mõrsija,
joba su unu koolu’.
Koolõ’, koolõ’, mõrsija,
koolõ’, kurba mõrsija,
joba su peiu koolu’.
Koolõ’, koolõ’, mõrsija,
koolõ’, kurba mõrsija,
joba su mõrsja om är’ koolu,
maha’ õkva, mats, põrmatulõ.
Rõõmu, rõõmu mõrsija,
rõõmu, kurba mõrsija,
joba su esä elässe.
Rõõmu, rõõmu mõrsija,
rõõmu, kurba mõrsija,
joba su unu elässe.
Rõõmu, rõõmu mõrsija,
rõõmu, kurba mõrsija,
joba su peiu elässe.
Rõõmu, rõõmu mõrsija,
rõõmu, kurba mõrsija,
joba su tsõdsõ elässe.
Rõõmu, rõõmu mõrsija,
rõõmu, kurba mõrsija,
joba su lellä elässe.
Rõõmu, rõõmu mõrsija,
rõõmu, kurba mõrsija,
joba su sõsarõ elässe.
Rõõmu, rõõmu mõrsija,
rõõmu, kurba mõrsija,.
(Ütle’ kedä taht sugulaisi.)
Üppä’, nukku, karga’ nukku,
tii’, nukku, jala’ teräväs.
Sis võtt mõrsja tandsma kedägi.
Tekst: ERA II 284, 613/5 (588) < Sangaste khk ja v < Karula – Liis Pedajas < Elisaveta Krall (sünd 1866) (1940).