Karula
Lõõdsu’ tuli tarrõ
TALUTÜTÄR, TUVIKÕNI, märde (märte),
kirjupihta peenikõni,
tulõ’ üles vuutõ’õlt,
puhu’ tulda tuhkhavvast,
lõõdsu’ lõhna põrmandult.
Võta’ pirdu peldistä,
pöörä’ pirdu peldistä,
haara’ haku ahust.
Ku ei olõ’ haku ahun,
sõs võta’ pindu parrõ küllest,
ku ei olõ’ pindu parrõ küllen,
võta’ laest lastukõni,
ku ei olõ’ laen lastukõist,
tuu’ laudast lambahainu,
ku ei olõ’ laudan lambahainu,
kaksa’ hainu karhupersest!
Puhu’ tulda tuhkhavvast,
lõõdsu’ lõhna põrmandult!
Viis: RKM II 307, 365/6 (3) < Karula khk – Ingrid Rüütel < Hilda Reiles (sünd 1914) (1973).
Tekst: EÜS VI 222 (8) < Karula khk ja v, Väheru m – A. Kiiss, A. Mõttus, J. Sossi < Kriste Hiiop, 55 a [< Sangaste khk, Ann Ilves, 54 a < Sangaste, Ann Jauhka, 39 a < Karula khk ja v, Väheru m, Triina Leer, 70 a < Karula khk ja v, Väheru m. < V-Antsla v (1909).]