Põlva
Iku- ja ilotarehn
*
UNI TULLI UIKUNA,
läbi laanõ lauldõna.
Uni otsõ unista neiot,
magajata Maiõkõista.
Kiä iks istus unõ rekke,
lammõ rammu ratta’allõ,
tuu iks istus ikutarõh,
laul ta leinälavva takah,
ikku täl süvvä’, ikku juvva’,
ikuga ta magama lätt,
ikupikeri peohna,
ikukanni kangõlanna.
Kiä iks unda virotõlli,
rammu manta raputõlli,
tuu iks istus ilotarõh,
laul ta rõõmulavva takah,
ilo täl iks üles tullõh,
ilo magama minneh,
ilopikeri peohna,
ilokanni kangõlanna.
Tekst: H, Põlva 2, 29 (34) < Põlva khk – Jakob Hurt < Liisa Koodra (Kuodra) (1860-1872).