Rõugõ
Or´atütrigu lugu. Käte ja jalgade käskimine
KÄEKESE’, JALAKÕSÕ’, joo,
mis ma’ teele teedä’ anna?
Uhmõr´ om tamminõ tarõn,
peikli om vasinõ vajan,
kivi om kimmäs kambrõn.
Võtkõ’ võõrast or´ada’,
peremiist pelädä’.
Ku ti jõvvat joostõn tulla’,
Joostõn tulla’, joostõn minnä’,
sõs teid kullas kutsutas,
hõbõdas teid hõigatas.
Ku ti jõvva-i joostõn tulla’,
joostõn tulla’ ega’ joostõn minnä’,
sõs kurigu’ kundõn juuskva’,
sõs järigu’ jären juuskva’.
Viis: EÜS IX 1311 (135) < Rõuge khk, Vana-Roosa v – A. O. Väisänen, A. Nirk, R. Tamm < Ann Ala, 61 a (sünd Viitina v) (1912/13).
Tekst: RKM II 135, 794 (12) < Rõuge khk ja v, Tealase k – Kalev Kalkun < Marie Kirbits (sünd 1885) (1962).