30. KAEGÕ’ MII’ NUURIMEHI (Plv) (Meie ja teie küla poisid)

Põlva

Meie ja teie küla poisid

KAEGÕ’ MII’ NUURIMIIHI,
mii’ kolga kosilaisi.
Meil umma’ poisi’ nigu pupi’,
noorõ’mehe’ nigu nupi’.
Kosilanõ kuldarikas,
raudkäsi raharikas.
Kotih umma’ kuldraha’,
umma’ sanga [sangah?] saalidsõ’.
Umma’ uhkõ’ uuriketi’,
umma’ kalli’ kaalaräti’.
Käävä’ hulgah nigu os´a’,
käävä’ salgah nigu s´aksa’.
Saa neil hulgah olt juvva’,
saa neil salgah saia süvvä’.
Viin pilksõ pikõrih,
olu’ loksõ loodsikuh.
Kaegõ’ muida nuurimiihi,
muida kolga kosilaisi.
Küläpoisi’ nigu pulsti’,
noorõ’mehe’ nigu nuusti’.
Pää pääl ku pähnämõts,
jala’ all ku ahoroobi’.
Käävä’ hulgah nigu hundi’,
käävä’ salgah nigu sandi’.
Saa ei hulgah olt juvva’,
saa ei salgah saia süvvä’.
Vesi pilksõ pikõrih,
kusi loksõ loodsikuh.
Umma’ kotih konnanaha’,
pakih umma’ paatükü’,
särk´ jäi küllä sängü ala,
küpär´ küünü nulga pääle.

Viis ja tekst: EÜS I 999 (28 a,b) & EÜS I 999 (28 a,b < Põlva – Miina Hermann (1904).

Sildid
Postitatud Nuurus