Rõugõ
Valda vaevatakse
TERE’ NU’, HERSTU HERRÄKENE,
kuldakruuni provvakõnõ!
Tulõ’ nu’ vällä kaema,
saista’ saali veere pääle,
kae’ siiä’, katsu’ siiä’,
kuis ti valda valitas,
perisvalda piinatas –
helme’ kaalast kakutas,
sõlõ’ rinnast riisutas.
Kurat´ um pantu kubijas,
varas valla valitsõjas,
seo pand valla vardalõ,
teopoisi’ tilbalõ.
Viis: EÜS IX 1324 (187) < Rõuge khk, Vana-Roosa v – k A. O. Väisänen, A. Nirk, R. Tamm < Ann Päästlane, 50 a (snd Krabi v) (1912/13)
Tekst: EA 587-a (10) < Rõuge khk, Roosa – P. Kauger