Urvastõ
Kuri mõis. Kättemaks sakstele
*
OI MI ILUST HERRÄKEIST,
oi mi puhast provvakõist!
Tulõ’ ussõ tooli pääle,
kae’, kuis valda vaav´atas,
perisvalda piinatas!
Siin iks kõnd´va’ kõomalga’,
siin iks liikva’ lepätüme’,
purus lüüdi hamõ’ linanõ,
purus peenü pallapuul´.
Mine’ iks muialõ mõisilõ,
konnõs peetäs peenü hamõ’,
peetäs peenü pallapuul´ –
kon ei kõnni’ kõomalga’,
kon ei liigu’ lepätüme’!
Panni ma härra härgidis,
kubja adra kunnõrpuus.
Tekst: RKM II 65 4278 (129) < Antsla linn – S. Porosson, A. Garshnek < Maria Strandberg (sünd 1873) (1957).